今日甄志強（小強）召集音樂劇《難兄難弟》，劇中嘅演員同小朋友去到深水埗，為該劇做宣傳。

53歲嘅楊玉梅同小強相識多年，透露到時會同一班小朋友喺台上跳芭蕾舞，獻出舞台第一次，提到芭蕾舞衣好性感，楊玉梅就話：「都預咗，到時演出係冬天會凍，但我哋已經慣咗，平時拍劇都會冬天着夏天衫。」楊玉梅又話鍾意和小朋友合作：「一啲難度都冇，個個都嗌我士多啤梨姐姐，可能我個名易記，小朋友好天真，冇咁複雜，帶俾我感覺係開心可以減壓。」

不過講到度身訂做芭蕾舞衣，楊玉梅爆近日有奇遇：「好多人微博私信我，話想買我着過嘅襪同鞋，仲話幾錢都買，但一定要着過，覺得有啲變態。」

身兼四職（自編、自導、自演、監製）嘅甄志強話幾職一腳踢，覺得辛苦過只做演員，但就係一個新嘗試，好得多精彩情節都寫晒畀演員，而小強亦只會在ending出嚟唱歌。

精選娛聞，喺晒《娛果》
http://fb.com/appledailyent