【恒Yu家暴之發奮自強】趙頌茹（阿Yu）在老公周永恒（阿Roy）以涉嫌刑事恐嚇被捕後，昨日首度現身公開活動，在將軍澳出席英皇教育宣傳活動。為家事暴瘦的她，自稱體重已回升到超過100磅。問到工作量有否因新聞而提升？她表示一切以平常心對待，交由經理人安排，自己做回媽咪本份去照顧兩個女。
是否已決定跟阿Roy離婚？她說：「我會用時間沉澱，需要思考，12年唔係一個短時間，需要時間決定一啲嘢，暫時最希望係搞掂兩個女先，畀到一個溫暖家佢哋。」女兒有否問要找爸爸？她坦言：「一定有，我都唔係好敢講，我話『爸爸忙緊自己嘅事，等爸爸返嚟呀。』佢始終係佢哋爸爸，佢要見我唔會阻止，希望畀到兩個女有正常家庭結構。」阿Yu又承認經濟有壓力，對於阿Roy有機會坐監，她亦表示擔心。

阿Yu自覺經過事件之後成長很多，並希望阿Roy身體可以盡快回復健康。問阿Yu是否已無法原諒阿Roy？她謂：「我信仰入面，神話要有寬宏原諒嘅心，我都慢慢學習緊，我哋關係需要時間沉澱，冇諗過要幾耐。」問她最難接受是好友變小三還是被打？阿Yu只表示過去的事不再提。問阿Yu獨力照顧兩女是否很辛苦？她表示：「我學識擔當係唔容易嘅，原來都有某啲壓力，我有信心可畀到佢哋開心環境。」至於有報道指阿Roy仍有吸食毒品習慣，阿Yu只謂不希望再講過去的事。
採訪：文國駿
攝影：陳俊強