華將梁家俊今季表現理想，最近頻頻有頭馬進賬，深得練馬師們的信任，尤其來自華籍馬房的支持更多。今期他騎足十場，其中第五場騎新勝馬「華麗再現」，雖然是莫雷拉棄騎，亦千祈咪輕視。

第五場四班2200米，馬膽揀升班的「華麗再現」，這匹上年度香港拍賣馬，來港前未曾試閘，成熟進度較慢，而且本身性能宜跑中長途，需要更多時間訓練。季初狀態遠離水準，寓賽於操兼減分，實力未見真章，反而令評分有優勢，呢類質新馬一旦成熟開竅，通常都可以反彈20分以上，更誇張的例子當然是今季贏三級賽「超有利」，而該駒亦是由沈集成訓練。

「華麗再現」前仗跑嫌短的1600米，姍姍來遲只輸四分三馬位。上仗增程跑1800米，前中段可以輕鬆跟守好位，而直路能夠加速彈開對手，走勢有前有後，今次增程跑2200米肯定更啱發揮，孭輕16磅跑長途幫助大，升班亦可信賴。

同場「好腳頭」近兩仗走勢漸見好轉，狀態回復贏馬時水準，今場黑馬。「招多福」上仗臨場狀態勇不可擋，可惜陣上嚴重受阻，莫雷拉肯繼續騎，有心求補中。「蒜頭爺爺」在五班連贏兩場，四歲馬開竅反彈未止，需繼續留意。