當年今日
關於我們

【韓流】俞承豪向初戀提出訂婚 晦氣問蔡秀彬:你難道可以結婚?

蘋果日報 2017/12/29 16:00

俞承豪蔡秀彬不是機器人啊

由俞承豪同蔡秀彬主演嘅韓劇《不是機器人啊》,港劇迷可於Viu上同步觀看。劇集噚日播出第15及第16集,劇集講俞承豪飾演嘅企業家金敏圭患咗人類過敏症,而蔡秀彬飾演嘅趙智雅就假扮機械人同俞承豪相處。
承接上集,蔡秀彬趁俞承豪飲醉酒後向佢坦白自己唔係機械人嘅秘密,不過俞承豪已經瞓着咗,所以唔知道呢個秘密。
俞承豪認為蔡秀彬所做嘅一切都係預先設定唔帶感情,所以對佢極度不滿。同時亦下定決心同初戀結婚,仲刻意帶蔡秀彬到餐廳,等佢見證自己向初戀提出訂婚嘅要求,令蔡秀彬好傷心。俞承豪對初戀念念不忘因爲以為初戀15年來都寄生日卡畀自己,點知一切都係初戀父親所為。
蔡秀彬唔明點解俞承豪要自己出席,同時又擔心俞承豪嘅情況,俞承豪則覺一切都係假,仲向蔡秀彬發脾氣:「噚晚都講咗你是人就好嗰句話,我講過乜嘢我都記得,所以咁又有咩意義呢?你難道可以同我結婚咩?你不過係機械人,我點解要照顧你嘅感受?」
蔡秀彬嘅前度嚴基俊終於明白當初蔡秀彬點解同自己分手,係因為佢一直向蔡秀彬潑冷水,喺蔡秀彬需要別人支持嘅時候,嚴基俊都唔喺佢身邊,終於明白嘅嚴基俊感到後悔。
創業支援徵集展終於進行最終審核,有份參加嘅蔡秀彬就變妝現身最終審核,此時俞承豪出現了……
下集預告講到俞承豪嘅主診醫生知道蔡秀彬假扮機械人,指摘佢哋咁做會害死俞承豪,嚴基俊決定告訴俞承豪真相,但主診醫生就阻止佢哋。

更多韓流,喺晒《娛果》
http://fb.com/appledailyent
【minigame】2017瘋暈人物 返工打機唔使擇日
http://bit.ly/2CeWQkP
empty
蔡秀彬趁俞承豪飲醉酒後向佢坦白自己唔係機械人嘅秘密
empty
俞承豪刻意帶蔡秀彬到餐廳,等佢見證自己向初戀提出訂婚嘅要求。
empty
令蔡秀彬勁傷心
empty
俞承豪就向蔡秀彬發脾氣
empty
其實多年來寄生日卡畀俞承豪嘅都唔係初戀本人
empty
下集將講到俞承豪嘅主診醫生知道蔡秀彬假扮機械人一事
empty