美國天后TaylorSwift果然夠眼光，正於美國展開巡迴演唱會嘅佢，繼同DJ男友CalvinHarris早前齊齊賺得1.46億美元（約11.4億港元）而被選為最高收入名人情侶冠軍後，DJ男友Calvin亦單拖揚威，佢剛獲美國財經雜誌《福布斯》（Forbes）選為今年搵錢最多嘅DJ！

來自蘇格蘭嘅Calvin過去一年賺咗6,600萬美元（約5.1億港元），冧莊成為全最球最高收入DJ，除打碟出騷外，佢嘅服裝代言亦讓他豬籠入水。至於亞軍則是月前嚟港開騷嘅法國DJDavidGuetta，以3,700萬美元（約2.9億港元）排第2，第3則是賺得3,600萬美元（約2.8億港元）嘅荷蘭DJTiesto。