被指是周焯華（洗米華）頭號愛將、太陽集團高層的盧啟邦（Andrew），前年曾因為駕駛其價值469萬元的法拉利戰車，接戴港姐出身的許奕妮而爆出戀情。不過就有傳事件曝光後，Andrew被當時澳門的有錢女友蔡一鳳大興問罪之師，導致許奕妮極速被飛。之後Andrew再跟何佩瑜（Jeana）傳過緋聞，最後無疾而終。
事隔差不多兩年，昨日有讀者報料，指Andrew近日已搭上𡃁模Hera，Hera愛得異常高調，經常在Instagram及facebook大晒兩人的親密照，其中一張他們到日本旅行的自拍照，Hera戴着太陽眼鏡手挽Hermès的Birkin袋向同樣戴太陽鏡的男友撒嬌，以半中不英留言表示：「Why my bb gum len jai（點解我BB咁靚仔）。」

「同阿邦冇聯絡」

不過有傳Andrew因為期間有意翻撻Jeana，令Jeana被人掌摑，Jeana昨日接受電話訪問時笑言：「完全冇呢件事（指被摑），我同阿邦都冇聯絡，報料人可能睇得太多微電影，其實𠵱家港產片質素都好好，不妨買張飛入去睇，我部《辣警霸王花》都就上，我扮好打得嘅女飛虎，到時可以請佢（報料讀者）睇。 」另一方面至截稿前Andrew仍未有接聽電話。
採訪：李森