樂隊Dear Jane今日到商台宣傳新歌《碌架床》，結他手Howie指新歌遠赴西雅圖灌錄，今次他們以50至90年代風格寫5首歌，此行最主要任務便是完成EP錄音，問到豈不是花了很多錢？他們說：「其實美國錄歌唔貴，加上一次錄幾首，最大使費反而係食，每晚都好似開party咁狂食，每次埋單都驚一驚。」

主音黃天翱（Tim）再次執導MV，原先有想過用碌架床拍懷舊感覺，但最後怕拍不出原意，Tim便轉到雪山取景拍攝，Howie笑言本身都知雪山凍，但自己跟另外兩位成員只穿普通布鞋，他說：「冇諗過落車行半個鐘上去，仲拍咗成日，凍到想斬咗隻腳。」Tim更指行路時踩落雪便沉到去到腰部。Howie笑指經過今次後要學習拍MV，為了下次可以復仇，要Tim受苦。

另外，吳嘉熙（Cheronna）今日戴着黑超現身商台宣傳新歌《無利可圖》，她透露生眼瘡：「起初以為係撞傷，痛咗兩日，仲叫媽咪同Dixon（男友黃奕晨）睇，噚日就發現係右眼生瘡，睇完醫生同用雞蛋敷眼後，就見到眼瘡出嚟。」

Cheronna指新歌是取材於身邊一位朋友的經歷，她面對另一半出軌、言語暴力，甚至動手，但仍然留戀這段關係5年，結果連朋友們也覺得溝通不到而遠離。Cheronna說當日收到歌詞後，便立即傳給這位朋友看，她說：「佢睇到之後好開心又感動。其實我之前位男友佔有慾都好強，佢係好錫我為我好，但就覺得我朋友同家人唔好，所以拍拖2年，我都冇搵朋友，媽媽都有唔開心，我又試過為咗得到佢原諒，瘋狂摑自己又跪地而撞到個頭。」Cheronna強調前男友是好人，但經歷這次後令她明白錫自己好緊要，知道甚麼是健康關係。現時跟男友Dixon發展自由度大，加上同是圈中人，在工作上遇到困難都會互相鼓勵。

-----------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9