曾經消失一時的荃灣連儂牆於今晚重現，過百人在6.12一周年之時選擇站出來以歌聲和口號聲表達對政權和警暴的不滿。在一片《願榮光》的歌聲和耳熟能詳的口號聲中傳來一把稚嫩的童聲，原來是現年7歲的小二生Avery正在聲嘶力竭地以自己的方式參與運動。

「今日呢就係6.12嘅一周年」與家人一同參與今晚活動的Avery十分清楚自己今晚在場的原因，更對全港各區有「遍地開花」的現象感到十分高興，只因「香港人仍然唔會放棄，都係夠膽出嚟係去抗爭。」

10後的他除了十分了解因《逃犯條例》而起的反送中運動，亦對即將到來的國安惡法頗為認識。他指若國安法獲得通過，不但會被迫在校內接收相關教育，更會將「我哋嘅自由係徹底咁刪除咗，係冇咗嘅」。

被問到在運動一周年之時，有何說話想對一眾香港人說時，稚音未脫的Avery在聽到身後有人在喊「香港獨立」的口號後不禁頓了一頓，隨即答道：「我只係知道香港人係永遠唔會放棄，係為咗自己嘅未來都敢企出嚟抗爭。」

記者 黎敬中

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568