當年今日
關於我們

兩啤妹動靜皆宜 新戲捧硬
星爺一拖二耍功夫

蘋果日報 2003/06/24 00:00


周星馳最近欽點了兩位新「啤妹」Mandy及Race演出新一輯生力啤廣告,昨日他們一同出席首播記者會,星爺雖然稱讚兩位「啤妹」各有千秋,不過他明顯對Mandy較有好感,而星爺亦透露有意安排兩人演出新戲《功夫》,看來她們將獲星爺力捧。
周星馳早前欽點了兩位靚女Mandy及Race演出新一輯生力啤廣告,昨日他們一同出席首播記者會,星爺介紹兩位女主角出場後,站在她們之間同時接受大會司儀訪問。手持咪高峯的星爺除伸手搭着Mandy的膊頭外,當司儀問到Mandy拍這輯廣告的感受時,星爺更表現出他的男士風度,為對方拿咪,相反Race就未有獲此待遇。

一個動一個靜
由於兩位靚女都是星爺千挑萬選出來拍此廣告,故此他頻以「好嘢!」來稱讚兩人。被問到Mandy及Race的表現時,星爺鮮有地反問在場記者:「邊個得啲?」其後他指兩位女孩一個動一個靜,各有千秋。星爺說:「Mandy外表似動,真人我就唔清楚,重未好熟,而Race外表似靜,動、靜兩方面我都啱。」

要樣靚身材正
星爺表示,他在七月開拍的新片《功夫》,有意安排兩人一同參與演出,他說:「希望有兩個角色畀佢哋拍,不過部戲我會考慮優先用內地女演員,我自己興趣係用新人,當然係要樣靚身材正啦!」
此外,前日是星爺四十一歲生辰,前晚Race亦在星爺位於尖沙嘴的電影公司樓下現身,不過星爺表示並沒有特別為生日而慶祝。
採訪:魯萍、娛樂突發組
攝影:仇志德
empty
Mandy樣靚身材正,符合周星馳物色新片女角的條件。
empty
周星馳與一眾師兄弟(左二起)田雞、小龍及肥仔聰為新廣告造勢。