一年內三度入院︱ 鄭艷麗疑厭食症復發 再跌穿100磅入院留醫
蘋果日報 2021/06/09 21:28
鄭艷麗厭食症
今年50歲的90年代艷星鄭艷麗，去年6月爆出患上厭食症，暴瘦下體重跌穿100磅被送入ICU留醫，原本康復出院，但到去年10月，她再次因厭食症入院留醫，出院後亦有post近照。今年3月她和家人慶祝50歲生日，父母為她送上冬蟲草做生日禮物，雙親希望女兒能健康平安，誰知事隔3個月，鄭艷麗昨日在社交平台貼出手臂吊鹽水的相片，留言說：「終於都敵不過入院，又跌咗落去100磅，我要加油！」一年內三度入院。
自從患上厭食症後，鄭艷麗不時在社交平台透露心情，曾透露「不是不喜歡食嘢」、「是身體內排斥食物」，又試過呻返工被人欺負。「俾人話對我好失望我好多謊言、唔通我身體有事呃人？唔通我而家積極做人呃人？做人唔可以忠忠直直對人好嗎? 」她又指自己不懂得如何有防人之心：「做人又俾人欺負，返工又俾人欺負，我要點樣撐住 。」
除了身體出現問題，鄭艷麗的一生亦經歷不少跌宕，她曾是台灣富商黃任中的契女，自從契爺病逝後返港，失去經濟支柱的她淡出娛樂圈，早年她被發現在麥當勞打工，貼地工作和昔日在娛樂圈璀璨生活可謂大相逕庭。
鄭艷麗昨日在facebook貼出吊鹽水相，留言自己再度入院。（facebook圖片）
鄭艷麗曾是90年代艷星，現時已淡出幕前。（IG圖片）
鄭艷麗去年被爆患上厭食症，但至今仍未痊癒。（IG圖片）
今年3月，鄭艷麗和家人慶祝50歲生日。（IG圖片）
-----------------------------