大台劇《不懂撒嬌的女人》嚟到結局篇，班女人開始有歸宿，繼「Mall姐」宣萱答應嫁畀Gordon林文龍後，最新一集輪到「Saving哥」王浩信同Cherry唐詩詠，雖然有宣萱出口「逼婚」，不過王浩信臨陣淆底，搞到詩詠BB明明很失望，但又冇講出口。

講到明王浩信係暖男嘛，又點會令女朋友失望，結果搞咗一場大龍鳳，王浩信呃咗唐詩詠過台南，自彈自唱《陪着你走》嚟求婚，仲唔冧豬豬？

加上王浩信搵阿「表妹」純純搵到唐詩詠套10幾年前已經列做dream dress嘅婚紗，真係冧到眼淚狂標！！

相反，妙趣位係明明話宣萱同林文龍影咗婚紗相，但係啲相……只有Mall姐老竇、「大威叔」劉丹同「賤Han」黎諾懿等幾丁人見到，到底呢批謎一樣的婚紗相，效果係點㗎呢？