當年今日
關於我們

中山美穗被網民鬧自作自受

蘋果日報 2015/01/09 06:00

蘋果即時中山美穗辻仁成

日本女星中山美穗去年同作家丈夫辻仁成結束12年婚姻,又被爆離婚前已經搭上音樂人澀谷慶一郎,美穗仲為咗姦夫放棄10歲大兒子撫養權,加上佢同姦夫成日俾人影到煙韌拍拖,又喺網上晒恩愛,令到佢形象一鋪清袋。

噚日美穗被爆同姦夫澀谷慶一郎去夜蒲時雙雙飲到啤啤夫,美穗醉倒街頭,澀谷用力將美穗抬起,仲大叫:「起身呀!」之後,仲向美穗個肚皮狠狠踢咗一腳。雖然美穗被現任男友動粗,但係昨日同今日都有好多日本網民討論呢件事,基本上全部都唔同情美穗,仲話佢係自作自受,唔抵可憐等等。

另一方面,美穗前夫辻仁成,與兒子長居巴黎,佢呢兩日喺巴黎發生槍擊案之後,喺twitter報告巴黎嘅情況,仲話自己化身最強保鑣,送囝囝返學,被網民大讚係慈父,同美穗好大對比。