【靈探節目】KB出情色MV 關嘉敏變身最強女鬼
蘋果日報 2020/09/06 15:54
李健宏關嘉敏又要睇又要驚陳文輝KB
KB（李健宏） 主持的網上靈探節目《又要睇又要驚》踏入農曆七月加碼，找來強尼及女子跳唱組合Bingo成員關嘉敏（Carman）拍攝主題曲MV，KB指自己和團隊度了幾晚通宵，笑言今次絕對是瞓身演出，KB還預告說：「今次MV算是挑戰尺度，靈異驚嚇必定外，仲會非傳統、突破、大膽及情色內容，當中一場劇本無寫，但Carman拍拍吓嚇到喊，你就知有幾驚！」
MV中Carman扮演的紅衣女鬼，找來曾參與荷里活電影特技化妝、已故一代化妝大師陳文輝孫仔陳嘉偉（Gary Chan）化妝，為Carman設計最強女鬼造型。Carman說：「今次 MV 真係好揼本，揾咗個荷里活級專業嘅特技化妝師處理，好仔細咁造啲微絲血管效果，當日有3個人6隻手幫我去做呢個鬼妝，用咗兩個鐘先至完成。」
主題曲及MV全由KB一手包辦，見Carman未變鬼時雙手被綁，似遭侵犯。問KB何以找強尼及Carman演出時，KB解釋和強尼合作幾次後，覺得他演奸角十分出色：「以前影壇奸角有大傻、何家駒等代表，近年就越嚟越少，我覺得強尼將會係新一代奸角代表， 而Carman就因為今次節目，覺得佢個樣好詭異，扮鬼好似，可以承繼王小鳳做新一代女鬼王。」
被KB視為新一代奸人代表，強尼笑言之前演的角色，其實都不算太壞，但如果觀眾認同奸得出色，都是對自己一種認同，而Carman則開心被讚：「之前有聽過KB話王小鳳之後未有一個真係似女鬼嘅藝人，佢覺得我可以向呢個方向發展，就好似有個明燈俾咗條路我，有機會我都好想做新一代鬼后。」
KB邀關嘉敏為靈探節目《又要睇又要驚》拍情色MV變身女鬼。
關嘉敏女鬼造型由一代化妝大師陳文輝孫仔Gary Chan化妝。
關嘉敏MV中被侵犯。
未變女鬼的關嘉敏被綁住手嚇到喊。
KB邀強尼拍情色MV，直指強尼夠奸。
KB認為關嘉敏（左）可做王小鳳接班人。
一代化妝大師陳文輝（右）、兒子陳志達（左）和孫仔陳嘉偉（中）一門三傑，可惜輝哥跟兒子先後離世。（網上圖片）
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！