【自己生返個啦！】黃心美姨甥女扯頭髮 一臉無辜獲原諒
蘋果日報 2020/03/21 21:26
豆豆黃心美
黃心美及黃心穎姊妹，近日因為多了一位小姨甥女「豆豆」後，兩人都忙於幫忙照顧這位可愛小B女，尤其是心美，不時在IG貼出與豆豆的合照，當中有不少豆豆伏在她身上熟睡的樣子，相信豆豆與大姨媽心美十分親近。
今晚心美再貼相，相中的她再次抱着豆豆在梳化上睡着，但兩人都睡得很熟，睡相方面，豆豆睡到張開口，心美側戙起一隻腳支撐，頭則靠在椅背上，她留言說：「理想係日日容光煥發、精力充沛。現實係日日不修邊幅、攰到趴街。」可見照顧新生兒完全不容易，亦十分吃力。
而心美另喺限時動態中貼出豆豆相片，見到B女笑，心情坦言「我暈嘞」，不過原來湊B嘅背後，有個甜蜜得來但痛的負擔，心美表示：「我原諒你扯我頭髮，我再求你唔好畀呢個無辜樣我……」其實湊B時紮起長髮，衞生少少，亦可以避色長頭篤到BB（尤其眼睛），同時亦減少BB扯到照顧者頭髮的機會，下次不妨考慮一下。
（IG圖片）
心美與姨甥女齊齊瞓。（IG圖片）
BB笑容融化了姨媽心美。（IG圖片）
心美爆被豆豆扯頭髮。（IG圖片）
心美經常晒與豆豆的合照。（IG圖片）