網絡紅人林慧韡（達哥）今日以CEO身份現身達魂製作手機遊戲公司發佈會，計劃同藝人、娛樂公司及KOL合作開發手機遊戲，何佩瑜（Jeana）同余曉彤（Hidy）到場支持。

達哥話有興趣同撞樣嘅蔡思貝合作：「我知佢有套新劇，不過未有時間睇，我覺得都有啲似樣，氣質似，佢係港姐嘛。之前都有合作，不過都要睇老闆意思，佢始終係電視台藝員，唔係想做就做。」

而同為自由身嘅Jeana同Hidy正物色經理人公司，Jeana話：「都有香港同內地公司傾緊，男朋友都有畀意見，等年底先決定，忙埋手頭嘅野先。」Hidy謂自由身已年多，Jeana指Hidy屬體能打女型，建議佢簽外國公司：「我覺得佢係未來啲第二個楊紫瓊。」記者提議Jeana自組工作室簽埋Hidy？佢笑謂：「但我要拍先喎，如果有機會都好呀。」Hidy笑指兩人會爭寵。