舒淇出道20年,多年嚟傳出過不少緋聞,佢同馮德倫喺97年拍《美少年之戀》認識傳出緋聞,同馮德倫多年嚟被傳分分合合,12年更被蘋果拍到二人同遊日本東京。
另一位舒淇最為人所屬識嘅緋聞男友,就係「明福俠」黎明。佢哋98年合作《玻璃之城》認識,有指二人拍拖7年,不過多年嚟黎明未有承認女友身份而分手。
除咗以上兩位公認係舒淇嘅男友之外,舒淇仲同唔少圈中人有過緋聞,當中包括:余文樂、張震、王力宏、彭于晏、剪接師李明文等,不過大部分都似係電影宣傳多啲!
當中最夠出位嘅就係剪接師李明文,2001年舒淇主演嘅《蔷薇的名字》角逐康城影后時,二人前後腳到當地宣傳,佢哋仲不時喺香港一齊行街街。
仲有王力宏06年拍攝《第一個清晨》MV搵嚟舒淇做女主角,仲曾經被影到王力宏去對方屋企o添!