當年今日
關於我們

【叱咤頒獎禮】陳詠謙奪填詞人大獎 Wyman台下喊晒口

蘋果日報 2014/01/01 06:00


叱咤「作曲人大獎」由郭偉亮(EricKwok)奪得,佢話:「2010年同Jerald(swing成員)上台,我就扮Ironman,事隔3年之後,去街好多人叫我做Ironman,拎呢個獎真係好難,你要作好多好多歌,例如你作50首,只有25首比到artist,又得10首plug歌,我從來冇諗過可以拎呢個獎...咁多年嚟都冇好好多謝嘅一個人,佢走咗之後,佢嘅好朋友話我知,我作咗曲咁多年,佢唔想我作歌嘅,佢其實好擔心我搵唔到食,一路都冇同我講,直至佢走咗之後,佢朋友同我講先知,就係我Daddy,雖然佢冇媽咪同細佬咁支持我,但佢冇比壓力,我先可以努力向前,咁包容,但佢咁多次都冇嚟,今日你終於睇到啦。」

而「填詞人大獎」就由新晉填詞人陳詠謙奪得,佢上台話:「由一個歌迷然到行到上嚟呢個感覺好奇妙,我本身好淡定但都會手震...首先多謝Wyman,我搵唔到度門佢幫我推開。(此時鏡頭影住Wyman喊)...台下面好多監製,對我容忍同包容,入呢一行係好任性,有時好窮,我寫咗唔少歌都好窮,希望下年版稅多啲可以比家用,展望新一年,幫好多人寫歌都好開心,唔開心係寫咗啲嘢真係冇人鍾意,唔知有冇機會我自己唱出嚟,聽日就有首歌派台叫《同行》。」

而「監製大獎」及「編曲人大獎」就由AlexFung奪得,佢話:「感謝主,多謝我DaddyMammy...我要多謝一班同我做咗10幾年嘅填詞人,啱啱攞獎嘅詖謙,梁柏堅,小克,冇咗佢哋,係冇咗廣東音樂嘅,多謝你哋,多謝好多監製,我都會聽其他人嘅製作,伍樂城,我覺得樂壇唔係得一個人監製,喺係studio每日10個鐘,少錢過做麥記。多謝同我做音樂嘅何山...冇左佢哋唔會有好好聽嘅音樂,只係監製係冇用嘅。王菀之,呢個獎係你嘅,同我一齊嘅,呢十年同我一齊做音樂(此時ivana企起身拍掌)阿goo,祖兒喺唔喺度?好多謝你哋,因為一把有靈魂嘅聲音,我哋一齊做架啲音,最後我想多謝你黃馨(佢老婆),多謝大家。」