做咗人母嘅徐淑敏，近年半息影狀態，只係間中出席公開活動，1年當中就只有兩、三個月留喺香港，其餘時間唔係飛去歐洲學禮儀，就係飛去日本學廚，而佢老公黃浩（Kenny），同樣係做空中飛人，因為日本有兩間電視台同時傾佢做節目主持，主要係介紹各地旅遊景點同各地美食。近日佢就率先做主持，幫英皇投資嘅電影《原諒他77次》搞宣傳，英皇仲叫黃浩喺節目裡面，盡情問6位女星包括蔡卓妍（阿Sa）、鍾欣桐（阿嬌）、衛詩雅、盧巧音、Yumiko、雷深如(J Arie)，以及編劇李敏尖銳嘅問題。

不過1個男人難敵7個女人，黃浩最終反被成班女星圍攻，問番佢性問題同房事，搞到黃浩俾佢哋問到口啞啞，場面搞笑。《蘋果》致電黃浩，佢話：「第一次做呢類節目主持，冇諗到後來會俾阿Sa佢哋反客為主，問番我轉頭，但出嚟都幾有喜劇效果。」