陳國邦離開無綫，寫了公開信道盡心聲，同時間佢亦參演舞台劇，日前鄭嘉穎跟陳凱琳都有欣賞。

今日陳國邦到商台訪問，指呢部劇充滿生命，佢遇過唔少感動位，從提時都眼濕濕。佢話:「冇話離開係啱，留喺度係錯，19年喺度工作，心態會覺得點解仲未有機會，係幾折磨，06、07年我想離開呢一行，如果當時寫信一定有怨恨，我唔想情緒摧毀我對演戲嘅熱誠。」

陳國邦知道無綫內會有人有類似遭遇，日前佢見高層時，將所見所聽同自己感受一一道出，佢話:「談話好開放嘅，希望佢哋創造更好環境，對方答謀事在人，成事在天，佢都話希望內部人搵到存在價值。聽到我覺得開心，但亦覺得係艱難任務。」