日本當紅組合乃木坂46威盡藝能界，AKB48都開始要行埋一邊。乃木坂近年已成銷量保證，隊中多位女神成員又深受少男歡迎，主將白石麻衣更榮登寫真女王寶座；昨日，白石麻衣偕西野七瀬、生田繪梨花、山下美月、久保史緒里及隊長櫻井玲香昨日現身東京巨蛋為巨人阪神戰擔大旗，齊穿白色裙嘅六人在開場前獻唱國歌。

另一邊廂，乃木坂嘅師妹、櫸坂46人氣成員長濱禰留、今泉佑唯、小林由依，昨日都穿上一身棒球look現身千葉，為賽事擔任開球禮嘉賓。現年19歲嘅長濱禰留個中文譯名雖略嫌唔多吉利，不過佢喺日本風頭正直迫師姐，佢本處女寫真集《這裏開始》推出3個月已6度加印，出貨量已超越17.5萬本。

精選娛聞，喺晒《娛果》
http://fb.com/appledailyent