該政界中人對季陶說，早前他在一個政界朋友WhatsApp群組中討論搶米搶廁紙事件，有地區人士稱，縱使他們向市民解釋，供應商、政府已表明供應充足，但不少街坊完全不理會，「特別係藍嗰啲，佢哋先最唔信政府，有個黃嘅後生仔義工同呢個地區人士講，佢叫屋企藍嘅阿媽唔好去搶米搶廁紙，點知佢阿媽話政府、林鄭講都好信？」
他指這並非個別例子，「越藍嘅人反而越去搶米搶廁紙、越相信政府所謂嘅謠言」，該政界人士稱，這個現象並非林鄭一句譴責謠言、假消息就可以解決，「林鄭應該問，點解咁多人信謠言、假消息？答案其實好簡單，就係連藍嘅市民由心底入面都唔信政府、唔信林鄭，政府越話係假，佢哋反而越信」。在這個情況下，林鄭政府根本再沒有政治能量，「莫講話領導抗疫，恐怕連叫市民信政府都冇能力，更加唔好講幫建制係立會選舉前挽回民望」。
季陶
周一、三、五刊出