愛華頓在安察洛堤帶領下再贏一仗，作客2:1力挫紐卡素，在比賽中入兩球建功的又是上仗射爆般尼的卡維特利雲，迅速變成肥安愛將。

主場的紐卡素一開波先發制人，開賽僅1分鐘便有米基爾阿米朗楔身位快過對方中堅米克堅尼一步，入禁區起腳僅柱邊出界，讓愛華頓虛驚一場。不過，拖肥糖站穩陣腳後組織攻勢，雖然12分鐘有賀基迪的射門被對方護空門，但1分鐘後靠基菲爾施古臣處理的罰球，誤打誤撞下被卡維特利雲在門前把握機會射成1:0。

紐卡素在上半場明顯是攻勢較多一隊，尤以阿米朗十分活躍，於29分鐘再有射門中柱彈出，安祖卡路爾門前補一腳射入，卻因越位在先「食詐糊」，令喜鵲半場落後。換邊後踢至56分鐘，主隊終於也靠罰球扳平，伏兵禁區右路遠柱的卡路爾接應長傳，頭槌二傳給後上的中堅法比安舒哈窩利抽入，比數改寫成1:1僅8分鐘後，愛華頓又靠卡維特利雲幸運地將李察利臣的傳送撞入網，再度超前比數。兩隊其後再無紀錄，愛華頓保住2:1勝局，替剛上任的安察洛堤搶下兩連勝。

同時間進行的另外兩場比賽，尾2的屈福特主場鬥尾3的阿士東維拉，結果主隊憑迪尼梅開二度加上伊斯美拿沙亞「埋齋」，即使57分鐘有中堅馬里亞柏紅牌被逐，10人應戰仍以3:0大勝，但仍在積分榜落後對方3分。至於拆禮物日爆冷擊敗車路士的修咸頓，主場則與水晶宮踢成1:1，替客軍先開紀錄的是中堅湯堅斯，後來主隊由丹尼艾格斯追和，各得1分。

英超周六暫時賽果
白禮頓　2:0　般尼茅夫
紐卡素　1:2　愛華頓
修咸頓　1:1　水晶宮
屈福特　3:0　阿士東維拉
註：前者主場

--------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports