【新增圖片】

今朝（14日）七時左右，練馬師姚本輝老早在沙田馬場機坪欄邊等候良久，原來係等馬房新星「財高八斗」，並同今仗騎師李寶利咬晒耳仔。

馬匹就由助手策騎在機坪熱身之後，李寶利準備上馬之際，輝哥更趨前指手劃腳，面授機宜，真係跑大賽都冇咁緊張。

「財高八斗」將於周末（16日）出戰第八場三班1200米賽事，在暑假期間李寶利回防復課後，已接手連課摸實此駒，動態相當積極。

過往跑田草1200米五次獲兩冠三亞，賽績堅到冇朋友，呢匹四歲馬仍有進步空間，有望扶搖直上。