貨櫃運輸業總工會副主席謝浪表示，多數職業司機不會開工前飲酒，但他承認業界有害群之馬。部份司機經常不負責任地在午膳時以酒伴菜，然後又滿身酒氣開工。謝浪說：「好似呢次意外嗰個司機酒精超標咁多，唔排除佢之前一晚可能蒲天光。」
所以，該會一向呼籲行家，堅守「四個不」，即酒後、睡眠差、服藥後或心情差，便不要開工駕車，「如果心情太躁，都唔應該揸車，可能會影響判斷力。」
有業界中人表示，不少職業重型車司機，收工後愛「飲番兩杯」，每日總有幾罐啤酒落肚。「好多時夜晚收工後，喺深圳同班行家食消夜，有時可能飲大咗，瞓一陣第二朝一早又開工揸車。」，久而久之便積陋成習，對酒後駕駛的警覺性降低。
本報記者