香江才女林燕妮上月31日因為肺癌，在養和醫院離世，享年75歲。今日於香港殯儀館主澤堂設靈，明早十時出殯。

身前好友馬浚偉今日親到靈堂送別，馬仔坦言與林燕妮相識超過二十年，感情深厚，雖然近兩年少見，但好感恩到最後的時間仍能到其家探望她。馬仔表示，換個角度看，與林燕妮都是基督徒，面對死亡都是另一個心態，是用一種開懷的心態：「係會開懷少少，主懷安息，天家再見。」

問到林燕妮於他心目中的印象是怎樣？馬仔表示：「咁多年來，我都叫佢做貴族，佢就叫我做浚偉，因為佢喺一個好儒雅、好靚嘅女性美人，同時又有剛強嘅性格，係女中豪傑。」提到於林燕妮臨開前曾與他見面，問馬仔當時二人做甚麼？他說：「當時大家都係閑話家常，見佢都好精神、好靚，大家都係傾吓近況，講吓啲歌咁，覺得佢冇乜痛苦，戥佢開心，佢係一個好堅強嘅人，大家有共同信仰，相信佢都係返咗天家，所以我嘅花牌都係寫上『天家再見』。」

至於與林燕妮的難忘事，馬仔表示：「其實佢教咗我好多嘢，尤其係禮儀，因為佢對禮儀好有研究，仲教我男仔應該要點做，食嘢時要注重嘅事情，覺得佢好可愛。因為佢之前講過鍾意我着黑色西裝，所以我今日都着咗黑色西裝嚟，(林燕妮有冇遺憾？)覺得佢冇，但人生嘅心願會係地上未了，但佢唔會囉！」