建制派議員投票時集體離場搞到一鑊粥，其實，煲粥一點不難。記得有水要滾住先，之後水滾下米。想米都可以爆成花，可以先用油撈一撈、用皮蛋捽一捽、或者把米放在雪櫃內先雪一會。不過最緊要是火候，大火之後要轉細火，間中攪拌一下，還要溝通好邊個睇火，不然就會好像現在一樣抽乾水，煲出杰撻撻兼辳到爆的一鑊粥。
若果還是冇信心煲粥一定得，亦大可出街食，以下是城四大好粥店。

由粥王李景叔主理，以中國米混合泰國米煲粥，特別在不同水而以上湯來煲粥，粥底吃來又綿又甜，而且用料精良，艇仔粥有鮮魚片、肉丸粥的肉丸自家製。
粥麵館　鰂魚涌英皇道683號嘉里中心1樓

吃魚粥的名店，粥底不會太綿太杰。魚骨魚腩魚片有齊，又新鮮又甜，而且淥得剛好，入口魚肉滑溜。自家調校的薑蔥豉油香氣十足。
生記粥品　上環畢街7-9號地下

六十多年的老字號，也是香港少見專賣雞雜粥的粥店。用的是新鮮雞雜，每天花六小時洗得乾淨。配料都放在櫃中，可以來一碗乜都有的雞雜粥，亦可以自選配料。
明記雞雜粥　油麻地永星里1號

簡單一碗白粥，喝來清腸胃，特別舒暢。威記的白粥純正，米都煲至開花，入口軟綿，米水的比例、粥的稠度都恰到好處，沒有多餘的味道，滿滿一碗盡是米氣。
威記　中環士丹利街82號

記者：陳詠敏