【新增回應】
現年30歲嘅日本女星佐佐木希，上年4月嫁45歲諧星渡部建結婚，一直有指兩人積極造人，月前已有雜誌拍得希妹腹部微隆疑似有喜，今日再有傳媒爆料，得知希妹目前的確懷孕，有指預產期係今年秋天，希妹早前已告知公司及廣告商等相關人士，佢現正有10份廣告合約在手，加上又主演4月開播嘅NHK新劇《Daisy Luck》，所以短期內都要陀B開工。

今日中午，希妹透過Instagram親自報喜，佢留言話正孕育小生命，兩夫婦對於增添家庭新成員都相當高興，仲解釋本來想在適當時機公佈消息，但報道卻快一步出街，希望fans可以體諒，而當獲斟接拍新劇《Daisy Luck》時，希妹已向劇組透露可能會在拍攝期間懷孕，自己亦好希望可以演出呢個角色，得到工作上夥伴們嘅支持令佢感到很溫暖。呢個Po短短30分鐘，已火速獲多逾10萬個like，亦有大批網民留言恭喜。

曾有消息指，年輕唔輕嘅渡部建望趁有心有力前做爸爸，佢計劃要培育小朋友成才，欲安排希妹到美國生B，為小朋友取得美國國籍。

精選娛聞，喺晒《娛果》
http://fb.com/appledailyent