當年今日
關於我們

【Sofia有伴喇!】梁詠琪年中做完巡迴騷 開綠燈趕第二胎

蘋果日報 2017/02/24 17:21

梁詠琪第二胎巡迴演唱會《骨妹》

梁詠琪(Gigi)日前喺旺角為電影《骨妹》宣傳,Gigi慨歎拍《骨妹》時係佢人生體重最高峯時段,亦係佢身材最豐滿嗰陣,Gigi就話:「拍攝時啱啱餵完人奶,因為劇本吸引唔好嘥,肥少少唔緊要,當時比o依家肥廿幾磅,但睇番自己演出都有少少嚇親,角色講我菸酒,有兩場戲都講我飲醉。」
《骨妹》戲中講述兩女有同性微妙感情發展,現實中嘅Gigi亦曾感受過同性好友嘅愛:「試過感受一個姐姐朋友嘅呵護關心,而你知佢係同性戀,我唔想令佢有誤會,大家可以喺朋友界線內做朋友,不過嗰陣係讀書時候嘅事,畢業後都冇聯絡,我冇懷疑過自己取向。我希望下部戲挑戰做TB(女同性戀者)。」
Gigi話已決定計劃年尾再懷第二胎:「我哋都已決定咗,想喺年尾,年中會做巡迴演唱會part 2,8至10場,下次一定修咗身先再拍戲。」