【今年出新歌】Zpecial赴台參加音樂節 唱廣東歌觀眾反應熱烈
蘋果日報 2019/09/15 17:23
Zpecial
樂隊Zpecial今日在黃埔參與音樂會，他們透露會唱7首歌，其中一首是最新派台歌《CityBoy》，他們說：「之前我哋喺台灣拍呢首歌嘅MV，順便參加當地嘅音樂節，感覺好新鮮，就算我哋唱廣東話歌，大家嘅反應都好熱烈。」
問到何時會在港開騷？Zpecial說：「今年想出多3首歌，希望下年可以開一個新Ep發佈會，我想一步一步去建立我哋嘅歌，令大眾知道我哋更多嘅嘢，我哋都唔想一步登天。」
樂隊Dear Jane今日在黃埔出席音樂會，他們表示已有一段時間沒有在商場演出，Howie 說：「我記得喺商場唱歌，仲有大旗舉牌，而家係enjoy聽歌多啲，我都好懷念有一日， fans整支旗，然後吹咇咇，好old School。」問到稍後有甚麼計劃？Tim表示在11月初於油塘舉辦一個搖滾之夜。
對於昨日是女兒2歲生日，Tim甜笑說：「特登訂咗一個地方，叫咗有小朋友嘅朋友一齊嚟玩，個女噚日特別多能量，玩完幾個鐘，返到屋企搞到11點先肯瞓，又食糖又食蛋糕，時間過得好快，無端端就2歲喇，佢而家最多嘢講，最得意，開始feel到佢慢慢成長去下一個階段，希望珍惜多少少呢段時間。」會否送她一個弟弟或者妹妹？Tim笑稱：「我老婆成日都等我，順其自然啦，越有計劃，壓力就越大。」
採訪、攝影：黃曉妍
樂隊Zpecial今日在黃埔參與音樂會。
Zpecial說：「今年想出多3首歌，希望下年可以開一個新Ep發佈會。」
Dear Jane今日在黃埔出席音樂會，他們表示已有一段時間沒有在商場演出。
昨日是女兒2歲生日，Tim甜笑說：「時間過得好快，無端端就2歲喇，佢而家最多嘢講，最得意。」