張小姐稱，日前與友人行經蒲崗村道金匯地產代理公司，留意店外張貼的屋苑售價，一名地產代理介紹附近屋苑資料，其間張小姐向代理表示正等候政府貸款。尚未獲房委會發出《購買資格證明書》翌日，張小姐收到該名代理電話，表示黃大仙鳳德邨有一個面積約四百呎居屋單位，相約她睇樓。
房委未發證書
「睇完個單位後，個代理不斷叫我落少少定，又話如果到時政府唔批，或者到時唔鍾意都可以退番錢。」張小姐表示需時考慮。兩天後，張小姐又接到電話，該代理表示她之前所看的單位已有人「睇中」，着她「快啲落定」，又不斷重複「申請唔到可以全部退回」，張小姐終被說服，以四十一萬二千五百元購入該單位，並在一紙買賣協議上簽名及付五千元定金，不過當時並未收到協議書副本。
其後，她到銀行查詢單位的估價，才得悉該單位實為「公屋」而非「居屋」，實用面積只有二百五十呎，估價為三十五萬元，而且尚未得到房委會發出的證書，根本不可買賣。張小姐頓覺受騙，返回金匯地產質問時，更發現協議書被修改成買賣雙方如未能履行合約，都要向代理付佣金一萬五千元，「呢項本來係空白嘅，畀人偷偷填上去」。
「個地產代理好唔老實，提供嘅資料全部與事實不符，我朋友住鳳鑽苑，外形同鳳德邨一樣，又喺正隔籬，估唔到佢哋會咁樣呃我。」張小姐除向本報投訴，並向地產代理監管局作出投訴。
金匯地產代理公司稱，張小姐之投訴正在了解中，不便回應本報。
合約含糊不清
本報將張小姐簽署的「買賣協議」交予地產總會第三副主席陳景開細閱，他指該合約「好有問題」，「太簡單、唔正統、含糊不清，好多嘢都解釋唔到」。首先是張小姐付出的是定金，協議書上寫為「誠意金」，此辭「唔知代表咩，又冇寫會點處理」，物業為「居屋第二市場」已屬失實，而且買方尚未得到貸款前，代理促成交易已屬違例。不過，買方亦應了解清楚個人權益，「唔可以咩都唔知」。（○五二七○二）