唐寧、林煥光及李慧琼今日喺紅磡出席第二屆「CEO家長選舉」揭幕，宣揚家庭教育嘅重要性。

連續兩年擔任活動大使嘅唐寧，佢話聽到好多唔同嘅故事，令佢覺得自己嘅苦頭其實係好少。講到囝囝今年3歲開始返學，唐寧話向來畀佢好大自由度，佢認為小朋友都要有空間。

對於房祖名同柯震東因吸毒而被拘捕，兩位嘅爸爸都自責教子無方，唐寧話：「子女無論發生任何事，做父母首先唔會怪罪小朋友，只會諗係咪自己嘅問題，喺成長裡面係咪欠缺咗啲乜嘢，我相信每個父母都會咁諗，而且佢哋已經係大人，有自主權，有自己嘅諗法，被家長牽住個鼻走到我哋唔喺度係冇可能，小朋友都係獨立個體，所以喺佢哋細個嘅時候，要灌輸正面嘅思想。」

點樣克制囝囝？唐寧話：「多啲講數，要傾，以前有罰企，但同一個招數用好多次係唔work，所以要見招拆招。」