台灣藝人羅志祥（小豬）與大陸網紅女周揚青拍拖7年，小豬去年接受台灣《蘋果日報》專訪時，透露視女友為結婚對象。周揚青曾大方承認整容，而外界就認為佢係靠「美貌」吸引小豬，但小豬就自爆﹕「我認識她的時候，她還沒整容，所以大家都誤會以為我是看她整容才跟她。」

對於女友曾因為整容而被攻擊，小豬坦言想過幫女友出頭，但女友話「不用不用」，令小豬非常佩服，覺得對方EQ好高，而且「沒有人可以贏過她」。

而2011年1月8日係小豬同周揚青正式拍拖，佢哋將每月嘅8號定為戀愛紀念日，今日係4月8日，凌晨時份，小豬就喺微博隔空放閃，留言﹕「8號快樂。」仲tag埋女友個名，之後周揚青再轉發留言﹕「每一天都是8號，8號快樂。」網民都留言催婚，仲話閃盲眼。

精選娛聞，喺晒《娛果》 http://fb.com/appledailyent