去年12月，廖麗麗接受港台節目《守下留情》訪問，回憶在中共建國開始到文革時期的成長歲月，她說：「我哋一畢業，就遇上文化大革命，變咗唔能夠跳舞，只可以用腦，學嘅嘢全部要放低晒，一定要跳樣板戲，跳《白毛女》，跳芭蕾舞，試過去漁村跳芭蕾舞，俾啲沙啜住腳；又跳到腳趾甲都紫晒。咁啱我嗰日著涼鞋，一踢踢到度門，嘩，十指痛歸心，後嚟搵膠布紮住都要跳，呢啲叫做頭腦領導腳趾。」

「到文化大革命結束，我哋跳舞最好嘅年華已經過喇，嗰陣我就做老師，後尾結婚生BB。」

可是在那個時候，生BB，也得排隊。廖麗麗憶稱：「先結婚嘅人生先，年紀大人嘅生先，因為驚冇人跳舞吖嘛。後尾我有咗，領導話，唔得！未輪到你！所以我第一胎就打咗，冇辦法。」

結果等到第二年才輪到廖麗麗生BB，產後廖麗麗身形變得豐腴，但歌舞團看中她的歌聲，想找她當女中音，「結果鞋同衫都幫我做好晒喇，團長話，唔得！你要練，練番瘦先可以去唱番歌。」當時廖麗麗在「廣東省歌舞團」。結果廖麗麗用了八個月才回復體形，但當然也沒機會唱歌了，要繼續跳舞。