【父親節快樂】圈中父親鬥晒溫馨 張智霖有靚靚魔童陪去上海

蘋果日報 2018/06/17 14:09

張智霖梁烈唯張晉父親節
    今日係父親節，唔少圈中daddy都同屋企人一家大細一齊過，佢哋仲喺社交網同大家分享添。
    好似上咗去上海嘅張智霖，就有老婆靚靚同囝囝魔童陪埋一齊去，靚靚上載咗張一家三口嘅自拍照，靚靚仲留言寫︰「Happy Father's Day」
    都有唔少daddy收到仔女嘅禮物，好似陳浩民老婆蔣麗莎就一早上載四名仔女送畀daddy陳浩民嘅父親節畫作同卡，之後陳浩民仲DIY咗一個用包裝小食連埋嘅小食袋同仔女玩，夠創意。好似方中信都有收到阿女嘅親手畫嘅父親節卡，佢就留言︰「總比沒有好，父親節快樂！」
    陸永老婆就晒咗一張舊照，相中陸永正為細女掃風，大女揸住水樽餵陸永飲水，溫馨到震，佢老婆仲留言讚呢位奶爸，「父親節快樂！#一個好樂意餵奶掃風換片嘅爸爸 #一個喺出面做嘢辛苦返到屋企仲會犧牲休息時間陪兩個女玩嘅爸爸 #一個除咗做嘢會將所有時間奉獻畀屋企嘅爸爸 #做你女兒係一件好幸福嘅事 #no1 dad #淨係孝順啊媽唔得㗎要孝順埋啊ba。」
    而梁烈唯噚晚收工返到屋企就有驚喜，佢喺ig分享一張父親節卡，雖然個女仲細，不過佢老婆Tina從旁協助，即使阿女亂畫，唯唯都好心甜。
    精選娛聞，喺晒《娛果》
    http://fb.com/appledailyent
    empty
    靚靚晒一家三口一齊過父親節。（ig圖片）
    empty
    張晉兩個女好黐身。（ig圖片）
    empty
    多仔公陳浩民同晒四個仔女送嘅勞作。（微博圖片）
    empty
    陳浩民將包裝小食DIY成個袋形，同仔女玩。（微博圖片）
    empty
    方中信晒阿女送畀佢嘅咭。（ig圖片）
    empty
    梁烈唯有女萬事足，即使只係亂畫，佢都好開心。（ig圖片）
    empty
    新手爸李璨琛，第一年過父親節。（ig圖片）
    empty
    王敏德老婆晒三個仔女同老公嘅舊相。（ig圖片）
    empty
    任達華收到花同蛋糕。（ig圖片）
    empty
    陸永呢位奶爸，付出唔少時間湊女。（ig圖片）