追星族瘋狂行徑近日成為全城熱話，內地女子為追捧劉華而家破人亡，香港青少年追星熱情不遑多讓。有港男因為月內兩度到日本追捧AV女星「幾乎同阿媽反面」，但這AV迷並不言悔，還說能到日本與AV女優真身面見，取得她們簽名和唇印，真是值回票價。

網友一枝弓可能是香港最瘋狂的日本AV迷，他在網誌「一個人上東京」記下他月內兩度向日本出發，寫下尋找日本AV女優的故事。「松島楓已經認得我啦，佢見到我時，問我"Poster?"，佢都記得上個月送咗張簽名海報畀我呀！」一枝弓作為一個癡心小Fans，能被偶像認得異常興奮，更好彩是他乘新幹線到東京時，竟然與偶像同車，成為他旅程最難忘經歷。

阿媽不滿「點解成日去影」

除了松島楓外，一枝弓還去了AV界內近期人氣極盛的吉沢明步簽名會，有人稱吉沢明步與玉女歌手Stephy有幾分相似，一枝弓卻說：「啲人成日話明步似Stephy，唔係吓？Stephy行開啦，明步索好多好多啦！見到真人包保你都係咁話呀！」一枝弓雖然能滿載而歸，他的母親卻生仔唔知仔心肝，「佢問我點解成日去日本影埋啲賤女人，係！成日去係唔啱，但我今次都冇乜點買嘢啦！同埋我完全唔同意女優是賤女人，我覺得佢哋都係用勞力賺錢，並不可恥。」一枝弓成為不少港男偶像，有網民既羨且妒，「睇AV玩到咁pro（專業），追埋星，真係寫個服字！」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]