四重彩派彩吸引，少則每注派一萬幾千，爆冷隨時派六位數，甚至派七位數夠俾首期。

之不過四重彩注碼大，就算投注單式膽一拖六都要120注，以賽日十場賽事計，每場買一條飛，每注$1計，整日要$1,200成本。

假如黑起上嚟，兩三個賽日唔中嘅話，唔係一般馬迷承受得起。

聰明投注者首先要搵兩至三場，有熱而不穩馬研究，跟住從餘下賽駒中挑選兩匹心水半冷馬作複式膽。

投注兩條飛，分別加入一匹熱門及冷門為第三匹複式膽。

以三膽複式拖六腳計，共144注，每場兩注則合共288注，每日只投注三場精選則需$864。

有時好運起嚟，其中一場中晒兩注，隨時夠玩幾個賽日。

兼且以複式投注，熱門馬陣上出意外的話，跑第三或四名，$1注派到一萬已經有排玩。

不過講到底，投注者各施各法，老套啲講「唔理黑貓定白貓，捉到鼠就係好貓」。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：

iOS / Android