【強調冇TG】阮民安演唱會搞足4個月 終於確定明年1.18開騷
開騷阮民安
阮民安(Tommy)過去半年都有上街支持反送中活動,他9月時曾在網上號召要舉行一場「沒有國泰,還有民安2.0演唱會」為手足打氣,票價分兩種,分別為$380、$280,同樣是企位,Tommy表示學生免費入場,並歡迎其他人資助學生欣賞自己演出,當時他表示接受大家登記付款預購,稍後才通知細節,若搞不成騷會100%退票。
Tommy先後申請旺角麥花臣場館和灣仔伊館被拒,懷疑受政治打壓,其後考慮北角新光戲院開騷也不成功,因為遲遲未有消息,網民即揶揄他吃人血饅頭,他被質疑後火速在FB解釋指會嘗試入紙申請紅館和伊館的3月檔期。Tommy這場演出搞足4個月,他昨晚終在FB公佈開騷有期:「佢哋越唔畀我哋唱,我哋就要唱得越大聲!!!久等了。沒有國泰,還有民安,2020 1.18喺沙田道風山,正式開show!呢個show,有黄色市集、有歌聽、有舞睇、有故事、有榮光!但放心,100%冇TG!呢場show只招待同路人,對家一概不歡迎,就算畀佢入到場,個show都會睇X到佢眼冤!稍後,我哋會正式詳細公布領取門券方法,同入場時間(會有車隊喺大圍火車站免費接送所有手足到場地)!關於黄店市集,下星期會正式公佈參加方法。市集一概免收租金,只求各檔主可以自由將部分生意額捐出,幫手足!」
Tommy今日回覆《蘋果》時說「我哋都仍然申請咗伊館同紅館3月嘅期,等緊康文署回覆,佢哋一直未畀到答案,所以我哋都唔想拖得太耐,最後搵咗一個戶外、好適合同比較新鮮嘅沙田道風山去做呢個show。開心終於搵到場地開show,同時也傷心係申請嘅過程中不斷被唔同場地打壓,其實唔知佢哋驚乜,可能佢地覺得呢個演唱會對佢哋嚟講係有政治色彩,甚至佢哋可能覺得我已成為一個政治歌手。」Tommy表示中午是巿集,晚上開騷。問到Tommy這個戶外場租場費?他說:「約5位數字。」
-----------------------------
【匿名港警爆大鑊】
韓國KBS時事節目《時事直擊:香港 被自殺》