張家瑩﹑王宗堯﹑周家怡﹑「民間港姐」吳凱欣﹑盛品儒及未婚妻蔡一鳳﹑姜麗文﹑麥子樂及魯振順等，噚晚喺尖沙嘴出席電影《翻生侏羅館3》首映禮。

「民間港姐」吳凱欣被問到係咪諗住入行？佢話：「都諗住入行，考慮緊，所以呢排出多咗首映活動。」咁會簽TVB定係點？吳凱欣就話0依家同TVB關係都好好，不過過埋聖誕先諗。

問到係咪唔心急？佢話：「都唔係0架，我都25歲喇，不過0依家未有Management，會增值自己先，學跳舞及學詠春，以備不時之需。」

係咪簽TVB成數好高？佢話未知，仲要考慮，同埋要與家人商量：「始終由空姐轉入娛樂圈，都係好大分別，自己好大掙扎，想睇下自己有幾多才能先。」吳凱欣又話有電影公司向佢招手。