我不會買大摩無最後試跑的馬，理由是咁多馬可以買，點解一定要去博呢啲馬；雖然有「海鑽石」、「步步友」破例，但十隻只一、兩隻得，唔得多過得，根本無謂博，如果肯堅持，剛周三必不會買「共創美好」與「閃爍武士」。大摩今次有五匹馬跑，當中又有「好金剛」與「花月佳期」無最後試跑，「花月佳期」只隔十天再跑，無最後試跑尚可理解，與「共創美好」隔近一個月復出，情況有所不同；但「好金剛」自12月24日試大閘後，已超過一周無快跳，顯而易見，非大摩正常操馬方式。
「馬龍王子」、「獅鷲」及「醒目精伶」全在周四朝跳晒，觀感都相當好，尤其是「獅鷲」，過去對牠印象一般，前腳出得掘，跑起來頭也擔得較高，總有不太順暢感覺，然而近期跑姿越變越順，前腳騰空時間較以往短，感覺爽了好多！這與粗身大馬跑過兩場有莫大關係，馬比前有力，又變得輕身，才會出現如此明顯變化。
詳盡內容可留意明日蘋果日報或蘋果馬網 http://hk.racing.nextmedia.com/