【本報訊】無綫昨晚派成績表，在將軍澳電視廣播城舉行《萬千星輝頒獎典禮2018》，視帝視后由《跳躍生命線》的馬德鐘及《BB來了》的李佳芯奪得，最佳劇集是《跳躍生命線》。

最佳劇集《跳躍生命線》

曾提名16次終於成為視帝的馬德鐘，在台上感慨說︰「好開心，好有份量一個獎，等到呢次攞獎，終於明白吃過苦，先知甜，多謝所有支持我嘅人。以前年少無知，𠵱家知道。多謝樂小姐（樂易玲），無論高低起跌都鼓勵。」馬德鐘最後多謝家人：「相信天上爸爸睇到，媽咪喺螢幕前唔好太激動，多謝囝囝畀到我好多快樂，多謝太太，做藝人太太唔容易。」而拍劇兩年即奪視后的李佳芯，贏盡其他花旦前輩，她在台上難掩激動說︰「我從來唔係贏在起跑線嘅人，好似一嚿飯，成功只可以靠自己。」

而多年來陪跑的馬國明，今年冧莊奪得最受歡迎電視男角色，聽到得獎時他亦感愕然，上台邊致謝邊寸爆︰「唔使畀紙巾我，我唔係代言人。莫名奇妙，我唔係好似蕭正楠咁結咗婚，都要多謝啲高層！」
■記者李淑嫻