地產多聲道：新都城展出霓裳史諾比
蘋果日報 2004/02/11 00:00
已有五十四年歷史嘅卡通人物史諾比（Snoopy），全世界有好多fans，而由四十九個世界著名品牌時裝設計師，為Snoopy&Belle設計嘅別致服飾，𠵱家做緊「Snoopyinfashion」國際名師時裝世界巡迴展，今個情人節，重會嚟到香港。
原來Snoopy香港向美國總公司，足足申請咗五年，至獲批准，該公司同恒基合作，喺將軍澳新都城中心第三期商場舉行展覽。
由於呢四十九套「Snoopyinfashion」有二十年歷史，重喺法國羅浮宮展出過，全球都係得一套做巡迴展，所以恒基都好緊張，買咗過百萬保險。重喺商場整咗個超過三十呎長嘅宮廷式舞台做背景，用嚟擺放展品。
嗰四十九位世界著名時裝設計師，港人熟識嘅有Chanel、Hermes、NinaRicci、Fendi同GuyLaroche等。
張艾嘉買樓收租
何文田君頤峰，係近期最多明星追捧嘅新樓。
繼鄭少秋和姚瑋之後，農曆年後再有唔少名人慕名而至，連近年甚為低調嘅張艾嘉，都陪同媽咪，揀咗間用嚟長線投資。
佢買入二座高層千八呎C單位，樓價千二萬，每呎六八一○元。
另外，發展商新世界提到，之前傳聞買咗西半山寶翠園嘅關之琳，原來都入咗件君頤峰五座高層A室，一千三百零九呎，成交價八百萬，每呎六千一百一十二蚊。
聽講，關之琳買入呢兩個單位，都係用作長線投資。
原來Snoopy香港向美國總公司，足足申請咗五年，至獲批准，該公司同恒基合作，喺將軍澳新都城中心第三期商場舉行展覽。
由於呢四十九套「Snoopyinfashion」有二十年歷史，重喺法國羅浮宮展出過，全球都係得一套做巡迴展，所以恒基都好緊張，買咗過百萬保險。重喺商場整咗個超過三十呎長嘅宮廷式舞台做背景，用嚟擺放展品。
嗰四十九位世界著名時裝設計師，港人熟識嘅有Chanel、Hermes、NinaRicci、Fendi同GuyLaroche等。
何文田君頤峰，係近期最多明星追捧嘅新樓。
繼鄭少秋和姚瑋之後，農曆年後再有唔少名人慕名而至，連近年甚為低調嘅張艾嘉，都陪同媽咪，揀咗間用嚟長線投資。
佢買入二座高層千八呎C單位，樓價千二萬，每呎六八一○元。
另外，發展商新世界提到，之前傳聞買咗西半山寶翠園嘅關之琳，原來都入咗件君頤峰五座高層A室，一千三百零九呎，成交價八百萬，每呎六千一百一十二蚊。
聽講，關之琳買入呢兩個單位，都係用作長線投資。
新地屯門聚康山莊，大賣健康生活，會所特別安排，配合主題，請咗四位名人，擔任「聚康之星」。
噚日委任近期人氣急升嘅藝人馬德鐘，做第一粒星。
原來現代「薛丁山」嘅健康心得，係家居運動，重即席利用水樽、摺椅等，示範運動，又即場炮製雜菜沙律。
遲啲物業入伙，馬德鐘重會親臨，主持健康分享會。唔知Fans會唔會因此而入市呢？
其餘三粒星誰屬，一如賣YOHOTown時賣關子策略，要下回分解。
至於賣樓進展，又要賣關子。繼上周內購後，新地代理總經理周國賢話，𠵱家重未有決定下一步，淨係可以話，位於新元朗中心嘅預展廳及示範單位，下個禮拜開放；喺屯門卓爾居商場嘅示範單位，就月內開放，相信之前入咗票登記嘅買家，都要再畀啲耐性等吓。
樓高八十一層，全亞洲最高嘅住宅物業，尖沙嘴擎天半島啱啱落成。
九龍倉高層，噚日帶蘭西參觀現樓。因為猴年開始行八運，西南方位最旺，所以，發展商特別開放咗位於一座八十樓，向西南嘅B室，取其「八」、「西南」等好意頭。
九龍倉助理董事黃光耀，重喺一千六百方呎，四房設計嘅單位裏面，頒獎畀中原地產嘅代表。
黃光耀話，中記連續八個禮拜，銷售擎天半島、深井碧堤半島都得第一名。
佢又公布，該公司樓盤，情人節送贈攝錄影機、數碼相機等優惠。
周六係情人節，又係情侶互相送贈禮品，表達愛意嘅好時機，信和則送贈頸巾予將軍澳區獨居老人，為公公婆婆送上暖暖愛意。
信和營業部總經理韓家輝，噚日與中原董事劉瑛琳，將準備好嘅四百條頸巾，交畀香港聖公會代表，由義工分發。
另外，今嗰周末日，參觀蔚藍灣畔示範單位，每對情侶都可以得到頸巾一條。咁樣，每對情侶都可以過一個暖笠笠嘅情人節。
講開嗰盤，已賣咗千四伙，套現二十九億，短期再加價，詳情有待公布。
蘭西
電郵地址：
穿上Chanel的Snoopy。
張艾嘉做業主。
馬德鐘（左）任聚康之星。
擎天行八運。
韓家輝親自示範。