當年今日
關於我們

【林心兒晒索腿】薛芷倫自爆有兩追求者 事先講明唔會生BB

蘋果日報 2016/12/04 16:03

籌款薛芷倫游學修林心兒

薛芷倫、林心兒、游學修噚晚就去咗灣仔演藝學院嘅籌款ball,心兒悉心打扮到場,游學修就幫大會拍咗一條扮查理卓別靈嘅黑白喜劇片:「我讀演藝嗰時去意大利學習,要拍一條片先可以下年可以再去,嗰陣我就扮查理,最終贏咗,不過第二年要做嘢,冇機會再去。」
游學修就透露年底要開戲同忙拍Viu TV《三一如三》電視劇:「我同緊導演傾緊做導演拍電視劇,如果做導演會做埋演員出埋鏡,如果消失咁耐,觀眾會唔得我作邊個。」甩拖後第一個聖誕會否好寂寞,佢就話會開工,「不過之前會一個人去台南旅行休息。」
「Ball后」薛芷倫就提到原本10號生日會去峇里旅行,不過因為要傾生意,所以取消咗。佢話生日最緊要健康同朋友聚埋,唔使收禮物。之前佢講到想揀個伴,佢就笑言呢排係有桃花運:「自己比較揀擇,最緊要性格同生活習慣符合,好似我食嘢健康,又可以大家傾吓生意經,希望成熟好啲。自己都唔係少女,唔會生BB,0依家對我有好感,有一、兩個,不過比較細,自己想成熟啲。」