周日（8日）第一場五班1400米草地，灰馬仔「盛勢」今季上半季狀態一直麻麻，加上響不利嘅第四班作賽，表現一般其實可以理解。

但轉爭五班賽之後，雖然仲未可以上名，但場場都輸近，表現已經好轉，證明本身響第五班上陣一定有着數！

今次距離上仗有個多月時間，試閘工夫多狀態持續上升，轉跑1400米夠擅長，又用到馬房出擊頭號殺手潘頓壓陣，有埋1檔馬房又要追數。

從唔同角度睇都有晒搏殺意味，贏番一場好交代，一定無問題！

第三場四班1400米草地，「皇帝賽」季初贏馬後雖然只得接近二字，但表現依然穩定。

其中，上場出閘慢一慢，被迫改用留守中間位置角逐，以為難望再入三甲，但竟然可以憑追勁跑入第三，足證本身有進步。

「皇帝賽」跑法具彈性於第四班又超級，繼續掛頭牌出擊，只要順利起步，應該可以重開勝利之門。

第四場一班1200米草地，「日日精彩」今季三戰兩勝，贏起嚟仲可以用「嬉戲」二字嚟形容。

跑短途嘅戰鬥力由上場響三級賽輕鬆取勝，已經知係未來短途頂級分子，小休之後再戰擅長路程而對手無多，可跟可鬥佳駟，連中三元機會高唱入雲。

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》