張華峰2012年當選金融服務界議員，去年當選連任。他指與財經事務及庫務局局長陳家強交手過程中，從無「鬧大交」，事關對方性格溫和，即使不同意亦不會即場動怒，業界活動陳家強亦樂意出席，但陳家強傾向聽取業界要求後，「好多野最後結果都未必係我地想得到的結果，或者講講吓無左下文……從來都唔拒絕我地的睇法、要求。不過工作出黎嘅效果唔係太明顯。」

以去年暑假的上市架構諮詢為例，當時曾向陳家強探聽政府態度，但後來張華峰因支持改革，被業界指控立場搖擺不定，「我咪質佢幾句囉，呢支箭應該射畀你，唔係射畀我架喎！」陳家強則回應市場各有看法很正常。

至於接任財庫局局長的劉怡翔，張華峰指他與業界接觸較少，感覺對方較沉靜低調，但劉曾任金管局，應對業界有所認識，冀對方多抽時間接觸業界，以及商討如何掌握大灣區金融服務業機遇，以及爭取開通新股通等。

掌握財經生活資訊，即Like「蘋果ATM」fb專頁啦！
http://fb.com/appledailyatm