曼聯球迷有福了！因為曼聯球星保羅普巴繼早前到訪北京及上海後，今日來到尾站香港。下午去咗尖沙嘴adidas旗艦店出席活動，喺活動期間話想香港食物，最鍾意食點心。 （新聞連結： http://bit.ly/2ruWwZ6 ）

普巴5點45分離開漢口道adidas活動會場，離開前5分鐘，4部七人車連保安都大為緊張。因為落雨，保安出動幫手擔遮。在場約有30名fans等候，大聲叫普巴名字，又冒住雨拎出相片同球衣要求簽名，普巴笑住喺天雨中幫6，7位球迷簽名。

七人車之後返到尖沙嘴麗思卡爾頓酒店，酒店門口都有幾十名球迷等候，而普巴呢次就更親民，落車之後逐一簽名，個個fans都有份，足足簽咗15分鐘，先返入酒店。