英超史篤城今季雖簽入奇雲雲馬、謝斯洛迪古斯、葛特蘇馬呢啲實力戰將，但成績就麻麻上個禮拜六作客熱刺仲以1:5大敗。史篤城球迷就梗係唔收貨，佢哋周六晚就喺史篤城火車站聚集，當面同嗰班由倫敦返歸嘅球員對質，仲一齊高唱「你唔配着起件(史篤城)波衫」，實情要佢哋好好反省。

史篤城聽日凌晨就會作客般尼，領隊曉士希望班球員知恥近乎勇，以呢次事件作為借鑑:「非常好嘅係我哋就快有比賽，所以佢哋實記得班球迷講過啲咩，等佢哋可以激勵自己踢好啲。喺足球世界入面，當有人話你、鬧你，你一定面皮夠厚。如果面皮唔夠厚，好明顯你入錯行。」

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS