國際壁球職業計分賽今日落幕，李浩賢於男單決賽以3:0力壓隊友歐鎮銘封王；港隊一姐歐詠芝於女單決賽同樣以3:0擊敗埃及球手夏曼薇（Hania El Hammamy）稱后。

國際壁球職業計分賽由18日起，一連五日於香港足球會舉行。男單決賽由港將李浩賢（Max）鬥歐鎮銘，兩人上月剛於雅加達亞運決賽碰頭，當時Max力戰下屈居歐鎮銘之下。兩人今日再度碰頭，Max獲妻子和兩女支持，首局以11:4先拔頭籌。今場賽事球證判決時惹爭議，歐鎮銘多番不滿球證針對干擾或阻擋的裁決，情緒或受影響下，歐次局再輸5:11。第三局Max氣勢如虹，再贏一局11:6，以局數3:0勝出，第三次摘下此項賽事冠軍。Max賽後指兩人實力接近，但自己亞運後休息三周，歐則要到巴基斯坦作賽，此消彼長下手握優勢，「我成日話大家都係50/50，都係視乎狀態，我抖時佢又比賽，大家準備上或有分別。」兩人過往幾次對壘Max皆落下風，Max今次終成王者，他表示心理上一定不能怯場，「首先一定唔好驚，怯你就輸一世！打波係咁，今次唔得下次嚟過。」李浩賢下月初將遠赴美國費城出戰美國公開賽，月底再到多哈，11月留港參加香港公開賽。

女子組方面，世界排名11的歐詠芝迎戰18歲的埃及新星夏曼薇，後者剛滿18歲，世界排名已位20，實力不容小覷。不過歐詠芝於香港主場未有失威，24分鐘內連取三局（11:8、11:7、11:6）掄元。歐詠芝自亞運後即到大連出戰世界女子壁球團體錦標賽，本星期再參加香港賽事，下周再到美國，她指頻密賽程考驗體能，「比賽好密，香港打一嚟唔洗飛，一定比出面打舒服。而家PSA剛開季，都係個好開始，之後更難打。其實亞運後都無特別操體能，都證明亞運前體能操練有效，自己睇下體能撐到幾耐，係個考驗嚟。」歐詠芝剛於女子團體世錦賽四強中力挫世界一姐、埃及球手舒雅賓妮（Nour El Sherbini），她指當時一星期內，每一場都要面對世界前十的球手，難度雖高，但欣喜能有所突破，期望保持狀態。

記者、攝影：洪量丰

-------------------
荷蘭殺神[紅SP]戴維斯參戰確定！立即下載 BFB CHAMPIONS 2.0，建立你的橙衫軍！ http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports