韓劇《OhMyVenus》女星申敏兒年初拍完劇後就處於半休息狀態，不過近日佢就多咗露面，早前更為內地雜誌拍攝新相，大方騷事業線，不過今次佢以長褲現身，收埋咗對美腿，令粉絲有少少失望。

當申敏兒騷緊事業線嘅同時，佢男友金宇彬就要努力谷新劇《任意依戀》。噚日金宇彬就於網上公開穿上高中生校服嘅花絮照，照片中，金宇彬戴上耳機、手拎課本，成個乖仔牌高材生咁。唔知女友申敏兒又鍾唔鍾意男友呢個look呢？