這趟古仔再與吳彥祖、劉青雲合作《竊聽風雲2》，內容人物跟第一集全部洗牌打亂，古仔說：「其實拍完呢兩集都係講股票市場，我期望開拍第3集會有新嘅元素，好似近期外國新聞社涉嫌竊聽嘅新聞都幾有趣，可以做第三集題材。」
最近與馮德倫合組了電影公司的吳彥祖則希望拍一套關於未來的電影，他認真的說：「我想拍一套講五十年後呢個世界會點嘅電影，到時香港又會變成點？搞電影公司都係想拍自己喜歡嘅題材，我覺得要保護本土嘅故事色彩，所以近年最感動我嘅電影係許鞍華嘅《天水圍》系列。」他承認身為電影公司老闆後壓力大增，令他學到了不少東西：「就算最終失敗都好，總好過到老時後悔自己冇嘗試過！」除事業外，他亦預告於來年積極造人：「我爸爸好想要一個姓吳嘅孫，因為得我一個仔，家姐生嘅又唔係姓吳！都要畀爸爸一個交代！」
撰文：文國駿