【風流代價】萬五蚊過夜意外有咗 英超匿名球星終願承擔父親責任
蘋果日報 2020/06/21 14:40
英超援交姬迪摩根
【新增動新聞】
英超球星出嚟玩，經常都會遇到「意外」，就係畀錢過夜之後，發現女方意外懷孕，唔想提早做爸爸，就請做足安全措施。父親節嚟到，一位援交女子姬迪摩根向《太陽報》爆料，話自己收咗一位匿名英超球星1,500鎊過夜之後，發現自己有咗，對方一開始唔接受，最後都肯承擔父親嘅責任。
英超球星出嚟玩，經常都會遇到「意外」，就係畀錢過夜之後，發現女方意外懷孕，唔想提早做爸爸，就請做足安全措施。父親節嚟到，一位援交女子姬迪摩根向《太陽報》爆料，話自己收咗一位匿名英超球星1,500鎊過夜之後，發現自己有咗，對方一開始唔接受，最後都肯承擔父親嘅責任。
26歲嘅姬迪表示，舊年夏天同一位英超球星發生幾次關係後，意外發現自己有咗。BB今年3月出世，做咗DNA測試後證實對方就係經手人，姬迪話：「一開始我話我有咗BB，佢係好驚訝，仲話自己唔想做爸爸。佢透過啲足球朋友介紹識到我，佢哋都係英格蘭球星，亦係我客人，所以佢就話覺得好尷尬。」呢位球星攞咗電話後，兩位老友仲拍心口話肯定好正，舊年6月起佢就幾次搵過姬迪過夜，至少喺3個唔同場合，喺酒店嗰晚就畀咗1,500英鎊。
「我肯定BB係喺7月受孕，嗰時佢叫我去參加周末音樂節，8月我就同佢講我有咗，我肯定係佢嘅。」姬迪做咗媽咪後，就冇再接客，好彩男方依家肯承擔責任，仲話每個月會定期畀生活費，不過佢話呢件事仲未落實，雖然唔想好似要鑿對方一筆咁，但自己都未準備好做媽媽，希望對方睇到新聞後搵佢傾傾。姬迪相信，男方會係位出色嘅爸爸，亦唔會迫對方同小朋友見面，佢就會盡力做好媽咪角色。
援交女子姬迪摩根爆料，自己同一位英超球星發生關係後意外有咗。
佢未有透露BB嘅爸爸係邊個。
姬迪有幾位客人都係英格蘭球星。
佢話男方依家肯每個月畀生活費，但呢件事仲未落實。